સપ્ટેમ્બર ૨૦૦૯ પરિષદ સમાચાર

• પાક્ષિકી: ગુજરાતી સાહિત્ય પરિષદ સંચાલિત 'પાક્ષિકી' અંતર્ગત તા.૨૩-૭-૨૦૦૯ના રોજ સાંજે ૬ વાગ્યે શ્રી પ્રદીપ ખાંડવાળાએ સ્વરચિત અંગ્રેજી કાવ્યો અને એના પોતે જ કરેલા ગુજરાતી અનુવાદનું પઠન કર્યું હતું. તા.૨૦-૮-૨૦૦૯ના રોજ શ્રી જિતેન્દ્ર દવી ગાંધીજીને કેન્દ્રમાં રાખીને લખાયેલી તેમની નવલકથા 'ચંપારણ'ના પ્રથમ પ્રકરણનું પઠન કર્યું હતું.

• રવીન્દ્રભવન, સ્વમાન પ્રકાશન અને ગુજરાતી સાહિત્ય અકાદમીના સંયુક્ત ઉપક્રમે તા.૭-૮-૦૯ના રોજ, રવીન્દ્રનાથ ટાગોરની ૧૪૮મી મૃત્યુતિથિએ એમનાં નાટક 'ડાકઘર' શ્રી નિરંજન ભગતે વક્તવ્ય આપ્યું હતું.
• ગુજરાતી સાહિત્ય પરિષદ સંચાલિત 'સર્જક સાથે સંવાદ' કાર્યક્રમ અંતર્ગત તા.૨૮-૭-૨૦૦૯ના રોજ સાંજે ૬ વાગે શ્રી રતિલાલ બોરીસાગરે 'શુદ્ધ લેખન' વિશેની ચર્ચા કરી હતી.
• જાન્યુઆરી ૨૦૧૦થી ડિસેમ્બર ૨૦૧૩ માટે અમલમાં આવનાર ગુજરાતી સાહિત્ય પરિષદની મધ્યસ્થ સમિતિ અને કાર્યવાહક સમિતિની ચૂંટણીનો કાર્યક્રમ -ચૂંટણી અંગેની તારીખોમાં ફેરફાર નોંધી લેવો.
• નવોદિત સર્જકોના પ્રથમ સર્જનાત્મક પુસ્તકનું પ્રકાશન: ગુજરાતી સાહિત્ય પરિષદના ક.લા.સ્વા.મંદિર હસ્તક શ્રી બી.કે.મજમુદાર ટ્રસ્ટ પ્રકાશન શ્રેણી અંતર્ગત નવોદિત સર્જકોના પ્રથમ સર્જનાત્મક પુસ્તકનું પ્રકાશન કરવામાં આવે છે. વધુ જાણકારી માટે પ્રકાશનમંત્રીશ્રીનો સંપર્ક કરવો.
• વર્ષ ૨૦૧૦-૨૦૧૧ માટે પ્રમુખ: શ્રી ભગવતીકુમાર શર્મા

પરિષદ-પ્રમુખશ્રીનો પત્ર

-પરિષદ-પ્રમુખશ્રી નારાયણ દેસાઈ, સપ્ટેમ્બર ૨૦૦૯
અમેરિકાના નેવાર્કથી શ્રી અનંત શેઠે ફર્માઈશ કરી કે ('ગાંધીજયંતિ' અંગે) ત્રણચાર સારા બોલનારાઓમાં મારું નામ પણ છે. ગાંધીજી વિષે ઘણું ચીલાચાલુ બોલવા કરતાં આપની પાસે સરસ લખાણો, જે ગાંધીકથામાં છે તેમજ જે આપે અવારનવાર વર્ણવ્યાં છે તેવાં, પંદર મિનિટ બોલી શકાય એટલી વિગતે જોઈએ છે."
અમેરિકામાં ફાસ્ટફૂડનું ચલણ આપણા કરતાં વધુ, એટલે એમની પાસે પંદર મિનિટથી વધારે સમય હોય શી રીતે? મને ગાંધીકથા સારુ ઓછામાં ઓછા પંદર કલાક જોઈએ! પણ કોઈકનેય મારા મુદ્દાઓ ઉપયોગી જણાતા હોય તો આ રીતે સુદ્ધાં ગાંધીવિચારને ફેલાવવાનું મારું મિશન થોડું આગળ ધપે એવી આશાએ મેં તેમને કેટલાક મુદ્દાઓ મોકલી આપ્યા, તેને કાંઈક વિસ્તારી, કાંઈક મઠારી વાચકો સારુ રજૂ કરવાની રજા લઉં છું....

૧૦૦ વર્ષથી ય વધુ

ગુજરાતમાં સાહિત્યિક આબોહવા પ્રગટાવવા ગુજરાતના સંસ્કારપુરુષ રણજિતરામ વાવાભાઈના નિષ્ઠાભર્યા પ્રયત્ન્નોથી ઈ.સ.૧૯૦૫માં ગુજરાતી સાહિત્ય પરિષદ અસ્તિત્વમાં આવી અને પરિષદના પ્રથમ સંમેલનના પ્રમુખ તરીકે ગુજરાતી ભાષાના મહાન નવલકથાકાર ગોવર્ધનરામ ત્રિપાઠીની સેવા સાંપડી. રણજિતરામ ઉપરાંત ઈ.સ.૧૯૨૦થી ઈ.સ.૧૯૨૮ દરમિયાન રમણભાઈ નીલકંઠ અને આનંદશંકર ધ્રુવની પ્રેરણા અને ઉષ્મા પરિષદને પ્રાપ્ત થયાં. ઈ.સ.૧૯૨૮થી ૧૯૫૫ સુધી પરિષદનું સુકાન કનૈયાલાલ મુનશીએ સંભાળ્યું હતું. આ સમય દરમિયાન અમદાવાદમાં ઈ.સ.૧૯૩૬માં યોજાયેલ પરિષદનું બારમું સંમેલન મહાત્મા ગાંધીજીના પ્રમુખપદ અને કવિવર રવીન્દ્રનાથ ટાગોરના અતિથિવિશેષપદથી અવિસ્મરણીય બની રહ્યું...વધુ વાંચો››

સીમાચિહ્નો્ (માઇલસ્ટોન્સ)